Chhinlung Israel People Identity Referandum ( in mizo language)

Identity Referandum ( in mizo language)

 

First World Identity Refendum of the Chin-Lushai-Kuki/

Chhinlungchhuak/Mizo

(mizo tawngin )

 

A. Kan hnam nihna inpuanna

 

1. Keini Chin, Kuki. Lushai/Chhinlung chhuak hnam khatte hi Chin Hills, Matu, Mire, Khumi, Arakan, Myanmar ram luahtute leh, Mizoram State leh a chhehvel Manipur, Assam, Tripura State India ram a mite hi thlahtu bul khat kan ni a. Kan culture tradition leh sociail custom dan leh nunphung pawh dang lote hi tawng thuhmun kan ni a. Chu mai bakah, hum kal tawha kan chanin, kan pi leh pute hniak, ziahlan leh ziahlan lohte, kan hnam chanchin chhinchhiahnate hi thudik tarchhuaktute  an ni.

 

2. Kam zabi 19-naa British sawrkar (Kunpinu) ten kan ram chu tihluihnaa min awp takah khan, Hnama Pathianin min dinchhuah dante pawisa lova, kan hmakhzia leh dinhmun, min humhalh leh min duhsak niawm takin “Thendarh leh awpbeh” policy chuan kan ram leh Chhinlung chhuak mipuite chu ranrual ang maiin hralh leh thendarh kan ni ta a, ram hrang hrangah.”

 

3. Inhmuhsitna mai duhtawk iovin kan hnam tan natna dang tihian a lo ni ia zal a. Kum 1940 Iai vel khan British awp ram tam takte chuan, “ZALENNA AN LO NEI TA A ” India, Myanmar (Burma) leh ‘E’ Pakistan, tuna Bangladesh ni ta te chuan mahni ram theuh inawp dan mil zawngin Constitution an lo nei ta a. Chu chuan Chin, Kuki, Lushai/Chhinlung chhuak “Chhulkhat kualte chu” ram hrang hranga “HNAM” nihnain kan lo awm dark ta a ni.

 

4. Kan hriat loh leh khawvel kan hawi tawinate avang leh kan hnam history te, political ngaihtuah tawinate leh hnama chian hlutzia, he kum zabi hun tha chhunga kan lo ngaihtuah lem lohnate avangin, kan hnam chu chimral hlauhawmin kan lo awm ta a. Tin, Political tak leh historical tak pawhin ngaihtuah kan hlawh lo ta zel bawk a. Hengte avang hian han hnam chu hnam dangte awpbeh leh chimral hlauhawm a awm mek hi, tun thleng hian dinhmunin hma a sawn rih ta chuang lo. Chhanchhuah a la ni rih lo a ni.

 

5. Khawvel thiamna leh hriatzaunate’n kan hnam a lo chim ve takah chuan, kan history hnam chanchin te, politic-a ngaihtuahna zau zawkte leh kan hnam a chiang duhte’n “HNAM HARHNA ” Identity Nationalism chu lo thlengin Human right dana kan hnam history bo tate leh, Politic-a kan dinhmun tur leh, kan hnam nihna puan a, Chin, Kuki,  Lushai / Chhinlung chhuakte hi inzawmkhawm leh insawhngheh  (Re-unification and solidarity) kan hnam tan a ngai tih hriatna lo lang chho ta zel a.

 

6. Kan rinna chu Unitea’Nations Committee leh a dan zamah innghat tlatin, kan chanvo diktak chu Human Right dan tlawhchhanin leh Charter of the United Nations-in he kan hnam nihna, kan inpuanna tur (Identity Referandum) hi vawiin hian puan a nih nan keini Chin-Lushai-Kuki /  Chhinlung chhuak tia history record bu-a chuang, Myanmar-a Chin tia hoh te, Bangladesh-a Lushai tia kohte leh India-a Mizo tia kohte hi Bible-a Israel hmar lam Lalram thlah kal zelte kan ni. Kan hnam thlahtu Manashe leh Ephraim-a Josepha fate, Josefa nupui Astheni, Aigupta ram ami laka piangte ngei khan. Tun hi han hnam hming dik tak, he khawvel hriata puanna hun tha a ni tih hriain Keini Chin-Lushai-Kuki / Chhinlung chhuakte hi “Israel hnam bo kan ni tih khawvel hriatah kan puang e. ” Tun atang chuan “CHHINLUNG ISRAEL HNAM” tia koh tawh tur a ni.
7. Lungrual takin kan pi leh pate sakhua an biak dan leh kan hnam nunphang (Kawng) liam tate bul chhuichhuah hi kan nuna thaw hnuhnang ber thlengin kan bei zel ang.
8. Tichuan, keini Israel hnam nihnaa chiang leh inlungrualte chuan he Chhinlung Israel People Convention Chhinchhiahna hnuaiah hian Vawiin 28th October 1999 hian Identity referendum (Hnam hming puanna) kan thinlung ril “MAICHAM”  tihluihna avanga kan hnam, ram hrang hranga thendarhte hi insuihkhawm leh sawhngheh (Re-Unification and Solidarity) hi a ni a. He kan thu hi a taka a la chan theih nan Chhinlung Israel People Convention, General Headquarters hmalaknain, Chhinlung Israel mipuite’n inlungrual thu kan puang nghal e.
B. Inlungrualna thuthlung:
1. Keini Chhinlung Israel hnam bote hian tun atanga kan hnam hming dik tak Chhinlung Israel mipuite ‘n, he hnam hming puanna Identity Referendum ni hian thudik “Maicham hmaah hian” keini Chhinlung Israel mipuite, tuna Myanmar, India leh Bangladesh-a awm mekte hi thlahtu bul khat, tawng khat hmang leh hnam nun leh sakhua thuhmun neite hi kan history, political chanchin hrang hrang neite leh, hnam khat chhuakte hi, a thlum a al ei za a, awmho tura Lalpa min siamtu min humna angina kan awm zel ang.
2. Kan thinlung chhungril leh tihtakzetin kan hmalakna hi Universal Human Right dan angin, kan history politics dinhmun leh kan ram hminga kal zel theih nan kan intiam a. Chutihrual chuan hmun khata insuihkhawm leh enkawlna tur Chin-Lushai Conference, Fort William, Calcutta-a Ni 29 January 1892-a an lo passed tak ang khan kan hnam hi a awm kan remti.
3. Kan thinlung chhungril zawng zawngin thudik awm sa, United Nations, Universal Human Right-in a lo sawi angina kan history te, Political nunkawng leh hnam dikna hi kengkawh turin International Boundary siamchawp, kan hnam “Chhinlung Israel mipuite” min daidanna leh, thendarh leh awpbehna hi kan pawm lova, kan duhthlanna (freely expressed wish) tipuitling tur hian, tharum thawh lovin (non-violence) kan tum ram thleng turin, kan awmdarhna ram theuh atangin kan bawhzui zel ang.
4. He kan thu hi a hlawhtlinna, State hotute leh sawrkar hotu zawng zawng, Chhinlung chhuak, Chhinlung Israel People tia kohte darhna ram leh khua leh tui (citizenship)  an nihna ram theuhten kan hnam nihna dik tak leh kan ngiatte hi min pawmpui a, min hriatpui a, min tih hlawhtlinpui turin kan sawm a. Tin, mi tu pawh Universal Human Rights ringtute’n kan hnam hmalakna kawng dik tak, history leh politics leh hnam nihna kawngah hian min pui tur leh pawmpui turin an theihna kawng apiangah eng hunah pawh min pui turin kan sawm reng a ni.

 

Pawl kalphung:
1. Kan hnam Chhinlung Israel People mipuite, kan kawng a thuanawp loh nan pawl kalphung kan ruahman a-
Tihian thu kan thlung ta a. Political Party ni lo, hnamte infawkkawmna pawl tia koh- Chhinlung Israel People Convention chu Ni 7th July , 1994 khan a lo piang ta a. General Headquarter chu Aizawl, Mizoramah a ni ang a.
Tichuan, thu kan ruahman lehnaah chuan Chhinlung Israel People Convention hi hnamte -infawkkhawmna a nih angin, Political-Party hrang hrang te, Kohhran hrang hrangte leh Organisation hrang hrangte leh mimal, he thua tuite member nih duh tan Chhinlung Israel People Convention kawng hi kan hawng reng a.
(a) Chhinlung Israel People Convention-te’n an thu ngiat dik tak hi kan pawmpui a.
(b) Chhinlung Israel People Convention te tangkaina leh pawimawhna_hi kan pawm a ni.
(c) Chhinlung Israel People Convention ten a tul leh tha an tih ang zela kan thu tihpuitlinna kawngah, Hnamte infawkkhawmna pawl hian a ah apiang kan pawn thei ang.
2. He thu hi kan pawm tlat a:
(a) Chhinlung Israel People Convention hi hnamte infawkkhawmna pawl a nih angin local leh National Political Party Programme-ah inhnamhnawih lo vang. Tin, Party Politics ang chi reng rengah pawh.
(b) Chhinlung lsrael People Convention Unit reng reng chuan Chhinlung Israel People Convention, General Headquarter hriattir hmasa lovin eng Political Party-ah mah leh, an thil tihnaah Chhinlnng Israel People Convention Unit angin an tel tur a ni lo. Mahse, mimal ang erawh chuan, an ram chhunga eng political party pawh an zawm thei ang. Mahse, chu Political Parry chu Chhinlung Israel People Convention-ah a la lut tur a ni lo. Chhinlung lsrael People Convention hmalakna thenkhate a lo tihthuanawp hlauh takin.
(c) Eng political party pawh kohhran pawl pawh, Organisation eng pawl pawh, mimal tupawh, Chhinlung Israel People Convention hmalaknaa an inhman chuan Chhinlung Israel People Convention tan kalphung tha zawk sawinaah an duh dan leh ngaihdante sawi theihna thui tak phalsak an ni ang.
(d) Chhinlung Israel People Convention hi hnamte  infawkkhawmna a nih angin, khawvel dan Universal Human rights-in a phal ang zelin Policy thar duan leh pawm theihna thu a nei ang. Keini a hnuaia hming ziakte hian vawinni Ni 28th October, 1999 hian Chhinlung Israel People mipui dam lai leh naupang lo la piang turte nen Pathian en chung leh tawngtainain he kan thuthlun leh intiamna hi kan hming ziak hmanin he Universal Human Rights leh kan HNAM inpuannaah hian kan nemnghet tlat ani.
Chhinlung Israel People Convention dam reng rawh se.

 

 

Rinawmin,