Memorandum to the Chief Minister of Mizoram

Memorandum to the Chief Minister of Mizoram

Memorandum to the Chief Minister of Mizoram
( this letter is under progress and it is originally in mizo language)
Ref. No: A1/CIPC/09/4                                                                          Date: 23rd July, 2009

To
The Chief Minister
Government of Mizoram, Aizawl.
Subject : Mizote hi Israel thlahte kan ni tih Assembly a Resolution min pass sak tura ngenna.

Ka pu,
A hmasa berin Israelte Pathian hmingin Chhinlung Israel People Convention (CIPC) chuan CHIBAI kan buk a che.
Keini Mizo inti thinte hian kan Thlahtu dik tak leh kan hnam dik tak “Israel Hnam ngei kan ni,” tih hi kan Holy Bible leh kan History atangin a chiang hlein a hriat a. Chu bakah Israel thlahte kan nihna hi Khawvel hian min tawmpui tawh ni te pawh hian kan hria a. Tlem azawng han tarlang ila:-
1.   Ni 28-10-1999 khan Vana Pa Hall ah (CIPC chuan Israel Hnam kan nihna IDENTITY REFERENDUM chu UNO hriatpuiin Khawvel hriatah puan a ni a. Chu lnkhawmah chuan Khuallian ah Mizoram Chief  Minister a hman loh avangin Mizoram Ex-Chief Minister LAL THANHAWLA chu  Khuallian  a ni a. Khuallian chuan Mizoram hi hnam naupang kan nilo, Tuipuisen kan hlate kan nei a, kan pi leh pute atang hian Israel kan nihna hi kan lam fova, “Mizote hian kan theihnghilh hauh tawh loh tur chu vawiina “HNAM NIHNA KAN PUAN HI A NI” tia a sawi khan kutbeng ri a nasa hle a nih kha.
Khual zahawmah Israel mi, David R.A. Ashkennzy an ni a. A ni pawhin, “Hnam tana din chhuahna tobul in han puang leh puang satliah mai ni lova UNO in a hriatpui ngeia Dan in a phut anga in han puang thei hi ka lawm tak meuh a ni. In hnam damna leh himna hi in kutah a awm a ni. Khawvel hian a ngaisangin tunah hian khawvel UNO  observers te, Hillel Helkin, Beyond the Sabbath River tih ziaktu leh midang dangte an tel bawk a ni.
2.   Tahrik 30-3-2000 khan Juda Christian JONATHAN CAHN khan AR Ground ah mipui singthum chuang Inkhawmnaah Khawvel hriatah Mizote hi lsrael hnam kan nihzia min puansak a. Chu chu vawiin ni thleng hian tumahin an la hniallo a ni.
3.    India mithiam 4 ten Mizo DNA Test Result an tihchhuah ah khan Israel thlah kal zel ni thei a min puan tak avang khan The Week Magazine 12-9-2004 chhuakah te an ziak bakah BBC pawhin News item ah 18-8-2004 zinglam 11:19 AM GMT ah a puang a nih kha.
4.   Tahrik 30-3-2005 khan Juda Puithiam  Chief Rabbi Shlomo Amar chuan Khawvel hriatah Mizo te chu BNEI MANESHE ( Manasseh a thlah Israel) hnamah min puang ta bawk a. Khawvel khawi hmun atang mahin dodalna emaw, an ni loving tih emaw a la awm chhin eih lo a ni.
5.   Kum 2008 Mautam tanpuina USA atanga kan dawn khan Synod Social Front Secretary chuan “Hetiang tam tanpuina hi ram dangah in sem ve em?” tih zawhna chu “Ram dangah kan p eve lo,kan Juda unaute chauh kan tanpui a ni” tiin a chhang a ni.
6.   Tunah hian keini CIPC chuan Israel Sawrkarah Memorandum theh lutin, Israel sawrkar hian Khawvel hriatah “Mizote hi Israel thlah te an ni” ti a min puan sak tura ngenna pawh kan thehlut tawh a ni.
7.    He kan lehkha han thil telah hian Israel thlah kan nihzia tichiang tura thil chhuina hrang hrang kan han thil tel hi lo study theuh turin kan han ngen bawk che u a ni.

RESOLUTION PASS A TULNA CHHANTE
(a)   Mizote hi Israel thlah kan ni, ti a Resolution House in a Pass phawt chuan tuna Israel Sawrkara Hnama puang tura CIPC in a ngenna hi harsatna hranpa awm lovin a puang mai thei dawn niin kan hria a.
(b)   Chutia Israel sawrkarin Israel thlahte kan ni, ti a min puan chuan UNO a kan Memorandum thehluh tawh Mizote hi Israel kan nihna ang ngeia Hnama min puang tura ngenna kha DEBATE theihin a awm tawh dawn a.
(c)   1967 a Parliament ah GG Swella MP in “Engatinge India hian Mizote hi Jet Fighter ten nen ralpui beiha a beih tak mai?” ti a zawhna a zawh tumin Foreign Minister chuan, “Mizote hi Foreigners an nia lawm. Israel hnam an nia, hetia India in ralpui beiha a beih hi a thiang a ni” ti a sawi awm te hi i Sawrkar zahawm tak hian a dikzia thailang turin he thusawi hi a copy lakchhuah ngei tum la. A awm anih ngai chuan Hnama puan hi a awl phah saw tang.
(d)   India politician hlun tak tak leh rual u zawkte hi chuan Mizote hi Israel kan nihzia hrechiang bertu an ni si a. Ram dang dangte tanpuinain Mizoramte hi Israel thlahte kan ni, tih chu UNO ah pawh thil harsa niin a lang lo a ni.
Kan han ngenna che ang hian a rang lama Legislative Assembly thut hunah “Mizote hi lsrael thlahte kan ni” tiin emaw, “Mizote hi Menasseh leh Ephraima thlah kal zel, Israel hnam kan ni” tiin emaw House zahawm takah Resolution min Pass sak ngei turin kan han ngen tak meuh meuh che a ni e.
Tin, a chunga kan han sawi tak ang khian chiang leh zuala kan Hnam tobul chhuichhuaktu tur mithiam zawng chhuak a, kan Hnam nihna dik tak chhuizawm zeltu tur i sawrkar zahawvm tak hian Researchers turte i ruat ngei pawh kan beisei tlat a ni.
Ram tana i thawhpuite,
(H. RORELA)                                                        (C.B.THLENGLIANA)
President                                                                 General Secretary
Copy to:-
1. All Ministers, GOM.
2. All Parliamentary Secretaries, GOM.
3. All MLAs, GOM.
4. All Mizoram Political Parties.
5. All Mizoram NGO.
6. All Mizoram Kohhran.

(C.B.,THLENGLIANA)
Gen. Secy. CIPC. General Headquarter,
Venghlui YMA Run Opposite, Aizawl.Mizoram.